Абай облысында киберқылмысты ашуға боғытталған топ жұмысын бастады
Оның ішінде интернет-алаяқтықты ашу бойынша "Cyberpol" соққы-нысаналы тобының жұмысы ұйымдастырылды.
Оның құрамына тәжірибелі тергеушілер, жедел уәкілдер мен криминалистер кіреді. Қазіргі уақытта "Cyberpol" тобы интернет-алаяқтықты ашу және тергеу бойынша жұмыстарды жаңа форматта жүргізуде, жаңа бөлімше заманауи зертханамен жабдықталған және бір терезе қағидаты бойынша жұмыс істейді. Зардап шеккендердің өтініштері бірден іс жүргізетін тергеушілерге түседі.
Топ жұмысы басталғаннан бастап Семей қаласының 4 тұрғыны бірқатар интернет-алаяқтық жасағаны үшін қолға түсті. Бұрын мәлімделген интернет-алаяқтықтарды ашу үшін Абай облысынан тыс жерлерге шығу жүргізілуде. Жедел-іздестіру іс-шараларының барысында шотына Орал қаласының тұрғынына тиесілі 740 000 теңге сомасында ақша аударылған "ДРОППЕР" ұсталды.
Өзге өңір тұрғынына аталған ақшалай қаражат қайтарылып, Абай облысының полицейлеріне қылмыскерлердің аса күрделі мохинацияларын ашуда көрсеткен жеделдіктері үшін алғысын білдірді. Cyberpol" соққы-нысаналы тобының атына алаяқтардың айла-амалдарына тап болған жергілікті тұрғындардан да алғыстар келуде, деп хабарлады ПД баспасөз қызметінде.
Сурет: Абай облысы ПД баспасөз қызметі
Похожие материалы (по тегу)
События
